Естрада

Македонскиот претставник на Евровизија ќе настапи во второто полуфинале

today28/01/2022

Background
share close

На Евровизија 2022 македонскиот претставник, кој допрва треба да го избереме, ќе пее во второто полуфинале. Со ждрепка преку пренос во живо, организаторите на Евросонг ги извлекоа земјите учеснички кои двете полуфинални вечери ќе учествуваат во ова најголемо музичко шоу во Европа кое годинава ќе се случи во мај во Торино, Италија. Според распоредот првата полуфинална вечер оваа година ќе настапат претставници од Албанија, Латвија, Швајцарија, Словенија, Бугарија, Молдавија, Украина, Литванија, Холандија, Норвешка, Русија, Португалија, Данска, Ерменија, Австрија, Хрватска, Исланд и Грција. Македонскиот претставник пак, во втората полуфинална вечер за пласман во финале ќе се натпреварува со Австралија, Грузија, Кипар, Србија, Финска, Азербејџан, Сан Марино, Израел, Малта, Црна Гора, Романија, Чешка, Полска, Белгија, Естонија и Ирска. За тоа, пак, кој ќе ја претставува нашата земја на овој голем музички настан во Торино ќе дознаеме на 4-ти февруари. Денес (28 јануари) во емисијата ,,Стисни плеј” на МТВ (со почеток во 22 часот), ќе бидат претставени сите шест песни избрани на конкурсот на Македонската радио телевизија, по што публиката ќе може да гласа за својот фаворит. На домашниот избор на песна за Евровизија 2022 ќе се натпреваруваат Лара Иванова, Кали, Виктор Апостоловски, Рис Флауер, Јон Ајдини и Андреа Коевска. Како потсетување, шестте песни се избрани од вкупно пристигнати 47 композиции на Конкурсот, кои ги исполнија бараните пропозиции. За избор на домашниот претставник ќе гласаат стручно жири и публика, по принципот 50-50. Ова онлајн гласање ќе трае до четврти февруари, кога ќе биде и официјално објавено кој ќе ја претставува Македонија на Евросонг во Торино.

The post Македонскиот претставник на Евровизија ќе настапи во второто полуфинале appeared first on Република.

Напишано од: KissFM

ОЦЕНКА

Предходни вести

Естрада

„Бегај таму“ така ми говореше: Ќерката на Аки се прости од татка си

Rегионот денеска се збогуваше со легендарниот фронтмен на групата „Парни Ваљак“, Аки Рахимовски, кој беше испратен до своето вечно почивалиште во Загреб. Неговото најблиско семејство се собра денеска, а посебно емотивен беше говорот на неговата ќерка, Дина. „Ти благодарам тато што ме научи дека е лесно да бидеш висок но оти човекот е мал под ѕвездите. Ама бегај, бегај тато, затоа што им е здодевно горе без тебе. Те сакам“, […]

today28/01/2022

Коментари за веста (0)

Оставете ваш коментар

Your email address will not be published. Required fields are marked *

0%