Естрада

Финале на 23 Таксират: Ќе настапат Брејча, Партибрејкерс, Мизар, Санаториум

today07/12/2021 15

Background
share close

Со вкупно 14 настапи на три бини, вечер во Спорсткиот центар „Борис Трајковски“ во Скопје ќе се одржи финалето на 23-тиот „Таксират“ – најголемиот зимски урбан музички фестивал во Југоисточна Европа. За големото затворање на овогодишниот „Таксират“ пристигнуваат водечки светски, регионални и домашни музички уметници на електронската, рок, метал и трап/хип-хоп сцена. Како што информираат организаторите, на главната бина на „Таксират“, посетителите ќе уживаат во премиерниот настап во земјава на маестро Борис Брејча – истакнат суперхерој на светската електронска сцена и еден од најбараните изведувачи на денешницата. И покрај веќе трасираните музички правци, тој, сепак одлучи да создаде свој звук и дочека неговиот „хај-тек минимал“ да биде еден од најпопуларните електронски стилови денеска, а тој да настапува на сите најголеми светски фестивали со препознатливата „џокер“ маска. Заедно со Брејча, од Германија пристигнува и неговата долгогодишна соработничка, харизматичната ЕН КЛУ – позната по своите непредвидливи сетови и посебна енергија. Исто така, на главната бина ќе настапат и три исклучително значајни, легендарни музички имиња од македонската и регионалната сцена и тоа: неуништливите „Партибрејкерс“ – еден од највлијателните и најистрајни рок бендови во регионов кои веќе 40 години воодушевуваат испорачувајќи моќен звук на сцена; култната „Мизар“ – ѕвездата водилка на македонската музичка авангардна, алтернативната рок група која важи за пионер на дарк-вејв естетиката во регионот; и најзначајната македонска треш-метал група „Санаториум“ – подеднакво култно име кое три децении е музичка лектира на балканската метал-сцена. Втората бина, лоцирана во малата сала на С.Ц. „Борис Трајковски“ е резервирана за највлијателниот трап/хип-хоп звук од земјава и регионот, кој ќе се чуе преку настапите на „З++“ од Хрватска, „Црни Церак“ од Србија и македонските предводници на жанрот „Бон Праскиза“, „Јанг Дади“, „Ајри Скреч“ и „Шорти Пи“. Третата бина „SILENT DISCO“ ќе понуди музичка селекција од страна на три докажани диџејски имиња кои владеат со подиумите низ македонските клубови, а кои оваа вечер во исто време ќе застанат зад диџејскиот пулт, додека посетителите преку слушалки ќе можат да ги менуваат трите фреквенции избирајќи го својот омилен ритам за танц. Влезот за посетителите ќе биде отворен во 19:00 часот. -Фестивалот ќе се одржи во согласност со актуелните безбедносни протоколи со ограничен капацитет, а влезот ќе биде овозможен само на посетителите кои имаат документ/сертификат дека примиле две дози вакцина против Ковид-19 или дека го прележале вирусот во последните 45 дена, информираат организаторите. Со цел да се избегнат гужвите при влез на настанот, тие апелираат до сите посетители да дојдат порано, односно најмалку еден час пред настапот од програмата кој не сакаат да го пропуштат. Сите оние кои билети купиле онлајн не треба да вршат замена на ваучерите за билети, туку треба само да ги приложат интернет ваучерите (ПДФ документот во нивниот и-мејл) при влез на Фестивалот, испечатени или од нивниот мобилен телефон.

The post Финале на 23 Таксират: Ќе настапат Брејча, Партибрејкерс, Мизар, Санаториум appeared first on Република.

Напишано од: KissFM

ОЦЕНКА

Предходни вести

EX-YU ЕСТРАДА

Партнерката на Ана Брнабиќ во ефектен фустан се појави на насловната на француски магазин

Милица Ѓурѓиќ, партнерка на српската премиерка, Ана Брнабиќ, се најде на насловната страница на арапското издание на познатиот моден магазин „L’Officiel“. На фотографијата која ја краси насловната страница на овој магазин, Милица позира во ефективен фустан од познатата српска дизајнерка Роксанда Илинчиќ. Станува збор за светски позната дизајнерка која со години живее и работи во Лондон, а нејзините модели ги носат Кејт Мидлтон, актерките Џесика Честејн, Гвинет Палтроу, Ема Вотсон, […]

today07/12/2021 83

Коментари за веста (0)

Оставете ваш коментар

Your email address will not be published. Required fields are marked *

0%