Естрада

Брејча, Партибрејкерс, Санаториум, Ан Клу и други за главна вечер на Таксират Фестивал

today11/21/2021 7

Background
share close

Фамозниот маестро БОРИС БРЕЈЧА (Boris Brejcha) конечно пристигнува кај нас и тоа на главната бина на најголемиот зимски музички фестивал во регионов, скопскиот ТАКСИРАТ ФЕСТИВАЛ! Суперѕвездата на новата генерација, големиот мајстор кој создаде свој звук и со вртоглав подем на самиот врв на светската сцена дочека неговиот „high-tech minimal“ да биде еден од најпопуларните правци на денешницата, на 7-ми декември за прв пат ќе настапи во Македонија, во Арена Борис Трајковски во Скопје. Неговиот настап како предводник на главната вечер на Таксират доаѓа во моментот кога тој е поголем од било кога и речиси веднаш по објавувањето на неговиот нов, јубилеен 10-ти албум. Од електронската музичка сцена, заедно со Борис Брејча ни пристигнува и неговата долгогодишна соработничка во нивната заедничка етикета „Fckng Serious“, харизматичната АН КЛУ (Ann Clue) позната по своите непредвидливи сетови кои со посебна енергија ги освојува подиумите низ целата планета. Од регионалната музичка сцена пак, својот настап на Таксират први го потврдија неунштливите рок-легенди ПАРТИБРЕЈКЕРС – еден од највлијателните и најистрајни бендови на балканската рок-сцена познати по уникатниот спој на панк-енергија, блузерска душа и гараж-став со кој речиси точно 40 години воодушевуваат испорачувајќи моќен звук на секогаш искрените настапи. Не помалку легендарно име ни доаѓа и од домашната сцена, условно кажано домаќинот на главната бина на Таксират, а тоа е САНАТОРИУМ – најзначајната македонска треш-метал група и веќе култно име кое три децении е музичка лектира на балканската метал-сцена. На ТАКСИРАТ гостуваат и актуелните изведувачи кои штотуку ги освојуваат врвовите на музичка сцена во целиот регион, а од таа листа во програмата за годинашното издание прв се запишува Z++ eдно од најперспективните хрватски музички имиња кое доаѓа како хит од осиечката трап сцена, но маестрално надминувајќи ги рамките на стилот. Или како што го нарекува критиката – волшебникот кој сѐ прави сам: музика, текст, продукција, микс и мастеринг, и тоа со врвен квалитет својствен само за најдобрите. И тоа не е сѐ, листата со музички изведувачи на ТАКСИРАТ секојдневно се надополнува. Годинашното 23-то издание на ТАКСИРАТ започнува веќе следната недела, во четврток 25 ноември и тоа со меѓународната ПИН музичка конференција чија извонредно богата програма и годинава се одвива со БЕСПЛАТЕН ВЛЕЗ за сите посетители. Во рамки на оваа тридневна програма, од 25 до 27 ноември ТАКСИРАТ во Скопје ќе биде домаќин на: 30 концерти, повеќе од 100 музичари, 200 делегати и гости од над 30 различни земји од светот кои ќе учествуваат и како говорници и водители на бројни панел-дискусии, предавања и работилници за најактуелните теми во музичката индустрија. ПИН ќе се одржува во МКЦ – Скопје, а програмата е поделена во два сегмента: концерти во вечерните часови и дневна, конференциска програма. Концертите на ПИН ќе се одржуваат со бесплатен влез за сите посетители, додека пак конференциската програма е исто така бесплатна, но сите заинтересирани за присуство на панел-дискусиите, потребно е претходно да се регистрираат преку овој линк: https://pinconference.mk/register-for-conference/ .

The post Брејча, Партибрејкерс, Санаториум, Ан Клу и други за главна вечер на Таксират Фестивал appeared first on Република.

Written by: KissFM

Rate it

Previous post

EX-YU ЕСТРАДА

Умирам Нино мој… македонскиот пејач раскажува за последните разговори со Мерима Његомир

Големо пријателство и одлична соработка ги врзува двете пејачки легенди, Нино Величковски и Мерима Његомир. Последен пат се виделе пред една година, планирале и заеднички дует кој ќе го отпеат на валандовскиот фестивал. -Ми се јави во август да ми каже дека е болна. И реков да ми ги испрати медицинските наоди. Му ги дадов на нашиот познат доктор Мики Ристевски, кој констатираше дека станувазбор за многу тешко заболување. Мерима […]

today11/20/2021 27

Post comments (0)

Leave a reply

Your email address will not be published. Required fields are marked *

СЛУШАЈТЕ ГО РАДИО KISS FM ПРЕКУ ВАШАТА ОМИЛЕНА АПЛИКАЦИЈА

0%